Emily Lefroy për të përditshmen britanike “Daily Mail” shkruan se është e lehtë të bindesh për të vizituar një destinacion magjepsës bazuar në fotot ekzotike që postohen në media sociale, por shpesh vendet më të vlerësuara në internet janë të tej mbushura me turistë.
Një përdorues i platformës “Reddit” organizoi sondazhin: ‘Cili vend duhet vizituar këtë vit?’ dhe zbuloi përmes përgjigjeve të komentuesve destinacionet e tyre të preferuara për të udhëtuar në 2024.
Shqipëria është rekomanduar si një nga perlat e fshehura që premtojnë bukurinë e një lokacioni të famshëm në Instagram pa turma vizitorësh.
Shqipëria ndodhet në Ballkan. Vendi njihet për plazhet e bukura dhe Bjeshkët e Nemuna, të cilat janë një varg malor spektakolar në veri të Shqipërisë.
Vizitoni Shqipërinë përpara se vendi të preket nga turizmi masiv, pasi influencuesit në Instagram vazhdojnë të bëjnë të njohur dhe të promovojnë këtë perlë ballkanike.
Sipas sondazhit, njerëzit janë shumë të ngrohtë dhe mikpritës, plazhet janë të mahnitshme dhe ushqimi është një ndërthurje e shijeve ballkanike, greke, turke dhe italiane.
Sipas sondazhit online në “Reddit”, vendet më të rekomanduara për t’u vizituar në vitin 2024 janë:
Shqipëria, Gadishulli Ballkanik
Sllovenia, Evropa Qendrore
Transilvania, Rumani
Bolivia, Amerika e Jugut
Mali i Zi, Gadishulli Ballkanik
Paraguaj, Amerika e Jugut
