Ministri serb i Punëve të Jashtme, Ivica Daçiq, ka kërcënuar Malin e Zi pasi votoi pro aplikimit të Kosovës për pranim në Këshillin e Evropës.
Ai tha se Mali i Zi nuk mund të llogarisë në votat e Serbisë kur do t’i duhet.
“Mali i Zi ka mundur të paktën të përmbahej. Duhet të veprojmë me reciprocitet. Mali i Zi ka votuar për pranimin e Kosovës. Edhe atyre do t’u duhet ndonjëherë vota jonë, në të cilën sigurisht që s’mund të llogarisin”, ka thënë Daçiqi për RTS.
Ai është shprehur i befasuar edhe me votën abstenuese të Ukrainës, duke thënë se kjo do të ndikojë në qëndrimet e tyre në të ardhmen.
“Është një nder dhe ne jemi thellësisht mirënjohës. Është shumë e rëndësishme që Spanja, Qiproja dhe Rumania qëndruan të qëndrueshme. Nga ana tjetër, më duhet të them se Ukraina na ka befasuar në mënyrë të pakëndshme. E gjithë kjo histori bazohet në integritetin territorial kur ajo vjen në Ukrainë, ju e dini se me çfarë përpjekjesh votojmë për të gjitha rezolutat, për të dënuar shkeljen e integritetit territorial të Ukrainës në të gjitha rezolutat në mbarë botën, dhe kur është fjala për integritetin tonë territorial ata abstenuan. Politika e jashtme bazohet për reciprocitetin. Kjo sigurisht që do të ndikojë në pikëpamjet tona në të ardhmen për integritetin territorial të atyre vendeve. Kjo do të ndikojë në qëndrimet tona në të ardhmen”, thekson Daçiq.
