Qendra e Bashkimit, Eric Copes e ka fituar epitetin e basketbollistit më të mirë për xhiron e fundit në Superligën e Kosovës në basketboll.
FBK-ja, ka bërë të ditur të hënën se Copes është shpallur “MVP i Javës” për shkak se pati indeksin më të lartë për xhiron e 21-t të elitës së basketbollit kosovar.
Copes ishte më i merituari që Bashkimi e mposhti Pejën në Prizren me shifrat 84:78 për t’ia shkaktuar humbjen e gjashtë këtë edicion kampiones në fuqi.
Në këtë fitore, Copes kontribuoi me 24 pikë, 9 kërcime dhe 3 asistime.
Po ashtu, Copes është përfshirë edhe në pesëshen më të mirë të javës, të cilën e përbëjnë edhe Jordy Tshimanga e Darnell Edge të Trepçës, Ty Cockfield i Prizrenit dhe Donte Clark i Sigal Prishtinës.
