Milani e ka mposhtur Comon në udhëtim 3:1 me rikthim të rezultatit të enjten mbrëma.
Fitorja e arritur në ndeshjen e mbetur të xhiros së 16-të, i ka ndihmuar Milanit t’i afrohet kreut të tabelës.
Marc Oliver Kempf shënoi për Comon në minutën e 10-të, ndërsa Christopher Nkunku dhe Adrien Rabiot me dy gola, ia siguruan pikët e plota “rossonerëve”.
Mërgim Vojvoda te Como luajti deri në minutën e 66-të, kurse Ardon Jashari e zëvendësoi Luka Modriqin në minutën e 86-të te Milani.
Milani në vendin e dytë ka 43 pikë, tri më pak se lideri Interi, dhe tri më shumë se Napoli i vendit të tretë.
