Gianni Infantino, kreu i FIFA-s, po përballet me një ankesë zyrtare për shkelje etike pasi organizata humanitare FairSquare ka akuzuar se ndarja e “FIFA Peace Prize” për Donald Trump dhe mbështetja publike nga Infantino ndaj tij shkelin detyrimin për neutralitet politik të FIFA-s.
FairSquare i ka dorëzuar Komitetit të Etikës të FIFA-s një letër pesëfaqëshe, ku theksohet se ndarja e çmimit për një lider në detyrë politik është “vetë një shkelje e qartë” e parimit të neutralitetit.
Organizata gjithashtu kritikon procesin për vendosjen e çmimit, sipas saj, ky vendim është marrë nga Infantino në mënyrë të njëanshme dhe pa autoritet statutori, që përbën “abuzim të rëndë me pushtetin”.
Në përfundim, në ankese thuhet se veprimet e tij janë “të rrezikshme dhe direkt kundër interesave të sportit më të popullarizuar në botë”, duke paralajmëruar se mund të sjellin masa disiplinore nga komiteti etik.
