Autori: Jona Kelmendi
Rreshtat e gjelbër të vreshtave në Rahovec këtë fillim shtatori tregojnë punën e një viti të tërë të kultivuesve.
Ndonëse cilësia sipas vreshtarëve po cilësohet të jetë shumë e mire, me çmimin që u duhet ta shesin po mbesin të pakënaqur.
Kjo pasi siç thonë ata, çmimi nuk po e arsyeton mundin.
“Çmimi i rrushit edhe ne që po ballafaqohemi më këtë është një problem i kamotshëm, problemi që ne angazhohemi në punë edhe duke përfshirë teknikën që kemi nuk ia vlen çmimi është shumë i ulët. Në vitin 2025 çmimi është 43 cent. Ky çmim rrezikon me i shkul krejt edhe është duke shkuar në atë mënyrë që më i hek krejt kto nuk ka qare tjetër”, është shprehur njëri nga vreshterët.
Se shumë feremerë mund të heqin dorë nga vreshtaria për shkak të çmimeve e thotë edhe kryetari i shoqatës “Kultivusit e rrushit”, Habib Dina.
“Për çmimin ka shumë ankesa, pikërisht për këtë vit fermerët kanë shpreh shumë pakënaqësi shumë të madhe për këtë edhe nese vazhdojnë me këtë çmim shumë fermerë do të heqin dorë shumë shpejtë nga kjo mirëpo ky është viti i fundit që vazhdon me këto çmime për shkak se këtë vit nuk ka shumë rendiment edhe kosto e vjeljes është më e ulët edhe fermerët kanë vendos që edhe këtë vit të vjelin rrushin’, ka thënë kryetari i shoqatës “Kultivusit e rrushit”, Habib Dina.
Dina gjithashtu kritikon Ministrinë e Bujqësisë për mungesë mbështetjeje ndaj fermerëve.
“Ky çmim nuk e mbulon as vjeljen, as koston e vjeljes së rrushit nuk e mbulon pa u marrë me operacione tjera dmth kitjen, lëvrimin, e shumë operacione tjera të domosdoshme nuk i mbulon ky çmim. Presim nga Ministria e Bujqësisë që herën tjetër të kemi një ministër më serioz, që është krah fermerit, një ministër që i din hallet e fermerit dhe jo një ministër kamuflazh e jo një ministër që krenohet me rendiment se është punë e perëndisë, por një ministër që na zgjidh problemet”, është shprehur tutje Dina.
Siç thonë vreshtarët, për rregullimin e problemit të çmimit të ashtuquajtur nga ta duhet të ndërhyjë vetëm shteti.
Televizioni gjatë ditës ka tentuar që të marrë një përgjigje edhe nga Ministria e Bujqësisë por të njëjtit nuk kanë kthyer përgjigje deri në publikimin e kronikës.
