Ish-presidenti i ShBA-së, Bill Clinton, ka mbajtur një fjalim në Shqipëri, me rastin e vizitës që po e zhvillon atje.
Clinton ndër të tjerash ka folur edhe për situatën aktuale në veri, me ç’rast ka thënë se mosmarrëveshja që po ndodh në Kosovë, do të donte të mos ndodhte kurrë.
“Ne do të diskutojmë për gjërat. Ka një mosmarrëveshje që po ndodh në Kosovë që do të doja të mos të kishte ndodhur kurrë. Nuk është më vendimi im, por kosovarët i krijuan ato katër qyteza në të mirë të serbëve për t’u dhënë katër bashkiakë më tepër. Kështu që mendoj tani se kanë bërë një gabim që nuk votuan, mendoj se është e lehtë për shqiptarët tashmë në shumicë që të përpiqen të përfitojnë nga momenti për të paraqitur argumentin e tyre.” – deklaroi ai.
Clinton shtoi se marrëzia duhet të ndalet.
“Por gjëja e vërtetë që duhet të bëjmë është të ndalim këtë marrëzi. Çfarë çështje e madhe mund të avancohet duke pasur tensione, ka njerëz që jetojnë aty, kanë nevojë të kenë një qeverisje të denjë.” – theksoi ai.
