Ish-sekretarja amerikane e shtetit, Hillary Clinton, ka marrë pjesë virtualisht në edicionin e dytë të Forumit për Gratë Paqen dhe Sigurinë.
Ajo gjatë fjalimit ka kujtuar vizitën e saj në kampet e refugjatëve në Maqedoni, në 1999-n gjatë luftës në Kosovë.
Clinton tha se në rolin e sekretares e pati përcjellë dhe mbështetur progresin e arritur në Kosovë.
“Më kujtohet mirë vizita që kam bërë në kampet e refugjatëve në Maqedoni. Pas kësaj ne bëmë thirrje në NATO që të ndalë këtë spastrim etnik. Si sekretare e Shtetit unë kam përcjell e mbështet progresin që është arritur”, tha ajo.
Clinton tha se gratë nuk janë vetëm viktima të dhunës dhe pabarazisë, por janë agjente të paqes.
“Forumet si kjo janë të rëndësishme. Gratë nuk janë vetëm viktima të dhunës, gratë posaçërisht në Kosovë, kanë luajtur rol tepër të rëndësishëm gjatë gjithë këtyre viteve, jam e lumtur për themelimin e kësaj qendre të ekselencës, demokracitë tona janë më te fuqishme kur gratë përfshihen. Ju tashme keni dy presidente gra në Kosovë. Jam e emocionuar të shoh se si ky forum ka arritë synimet e tij, unë jam e përkushtuar për të qenë pjesë e arritjeve dhe përpjekjeve për fuqizimin e gruas”, ka deklaruar ajo.
