Gjatë fjalimit të tij, ai kujtoi se si kishin ecur së bashku rrugëve të Prishtinës teksa përmendi edhe bustin i cili u ndërtua për nderimin e saj.
“Kaluam një ditë të lumtur së bashku dy vjet më parë në Kosovë, 20 vjet pas konfliktit atje. I çliruam nga rreziku real i gjenocidit. Ecëm dorë për dore në rrugët e Prishtinës, në një ditë me diell të qershorit. Rrugëve kishin dalë çerek milion persona, që është numër i madh njerëzish në një shtet të vogël si Kosova. Dhe arritëm te subjekti i shëtitjes sonë, që ishte një bust i bukur i Madeleine që ishte nderimi i tyre për ndihmën e saj. E shohim nderimin e trashëgimisë së saj për të gjitha gjërat që ka bërë për Kosovën, Bosnjë dhe e shohim në shumë mënyra”, tha ai.
Tutje, Clinton u shpreh i lumtur që pjesë e ceremonisë së varrimit ishin edhe presidentja, ish-presidentja dhe kryeministri i Kosovës.
“Sot këtu me ne është presidentja, ish-presidentja dhe kryeministri i Kosovës. Po ashtu këtu është edhe ish-ministri i Jashtëm i Bosnjë e Hercegovinës. U desh të ndodhte masakra e Srebrenicës që të kishim mblidheshin mjaftueshëm njerëz që të bëhej ajo që sot po bëhet në një mënyrë tjetër në tentim për ta shpëtuar Ukrainën”, shtoi Clinton.
Në ceremoninë e varrimit të ish-sekretares Albright po marrin pjesë edhe presidentja e Kosovës, Vjosa Osmani, kryeministri Albin Kurti dhe ish-presidentja Atifete Jahjaga.
Madeleine Albright ka vdekur më 23 mars në moshën 84-vjeçare./teve1.info/
