Këto deklarata ai i bëri pas takimit me kryeministrin e Kosovës, Albin Kurti në ndërtesën e Qeverisë së Kosovës të martën.
Në një adresim për media, ai bëri të ditur se me Mehajn do të takohet pasi që e ka mik dhe se nuk do të diskutojnë çështje të tjera.
“Nuk jam këshilltar special ( i ministrit të Mbrojtjes) jam vetëm mik i tij. Unë nuk mund të këshillojë askënd, por do ta takoj ministrin, e kam mik të vjetër dhe nuk do të diskutojmë çështje tjera. Jam i pensionuar nga ushtria dhe jam vetëm biznismen”, tha Clark.
Ndryshe, vitin e kaluar ishte raportuar se ai i është ofruar ministrit të Mbrojtjes si këshilltar për të ndarë eksperiencën e tij ushtarake dhe diplomatike.
Mehaj e kishte konsideruar këtë ofertë si të veçantë, i cili i bëri ftesë për vizitë në Kosovë dhe kërkesa e tij u pranua me kënaqësi./teve1.info/
