Përmes një videomesazhi, Clark ka thënë se bombardimet e NATO-s kanë ndryshuar historinë e Kosovës dhe të Evropës.
“Në këtë ditë, në vitin 1999, misionet e para ajrore të NATO-së hynë në Kosovë dhe kjo ka ndryshuar historinë e Kosovës, ka ndryshuar historinë e Evropës. I është dhënë shpresë dhe dritë gjithë botës. Por jam posaçërisht shumë krenar për të gjithë ju në Kosovë për demokratizimin që keni bërë, për zhvillimin ekonomisë sfiduese që keni ndërmarrë dhe jam veçanërisht mirënjohës për miqësinë e jashtëzakonshme që keni treguar ndaj SHBA-së”, tha Clarku.
Ai shtoi se për të iste nder që ishte komandant i NATO-s në atë kohë.
“Për mua ishte nder i jetës që isha komandant i NATO-s dhe që pata mundësinë të ndihmojë në ndalimin e spastrimit etnik”, theksoi Clarku. /Teve1.info/
