Për herë të fundit hyri në gjykatore.
Shaqir Lutvija, e kapi fundin e përballjes për krime lufte me prokurorinë Speciale.
Lutvija akuzohet se në cilësinë e inspektorit dhe policit në Stacionin Policor në Prizren, bashkë me persona tjerë të forcave policore serbe, gjatë kohës së luftës në Prizren, ka kryer krime lufte, si vrasje, arrestime, rrahje e trajtim ç’njerëzor ndaj shqiptarëve civilë.
Për pasojë e këtyre keqtrajtimeve, një person kishte mbetur i vrarë në burgun e Prizrenit.
Edhe në seancën e fundit, Lutvija mohoi kategorikisht kryerjen e krimeve ndaj shqiptarëve.
Sipas mbrojtjes së tij, prokuroria nuk ka ofruar asnjë provë për pretendimet e saj.
Shpallja e verdiktit të Gjykatës në këtë rast, do të bëhet javën e ardhshme.
