Sasia e madhe e ujit që përfshiu Pejën krijojë një kaos në disa lagje të këtij qyteti.
E vërshimet mbuluan disa shtëpi të shtunën pasdite.
Për shkak të reshjeve të mëdha të shiut u shkaktua përmbytje ku si pasojë dy persona humbën jetën.
Por jo vetëm ky qytet, në javët që lamë pas u vërshua edhe Prishtina, Vushtrria, e Fushë Kosova.
Sipas ekspertit të ujërave, Skender Bublaku këto vërshime po ndodhin si shkak i reshjeve të dendura të shiut.
Por ai përmend si arsye edhe infrastrukturën.
“Reshjet e shtuara, ose sasia më e madhe e reshjeve që është për 20%. Kur kësaj i shtojmë edhe fenomenet ekstreme që po paraqiten, e që lidhen me reshjet afatshkurtra si@ ka ndodhur rasti i Pejës, kur për një kohë shumë të shkurtër ka rënë një sasi prej 50 milimetrave dhe atë në një territor relativisht të kufizuar urban dhe suburban. Kjo nënkupton që krijohen kushte shumë të favorshme për vërshime të shpejta. Faktorët tjerë janë normalisht infrastruktura”, sqaroi ai.
Për këtë ai tregon disa nga hapat që duhet të ndërmerren që të minimalizohen këto dëme.
“Mirëmbjatja, eliminimi i pengesave nëpër kanale kulluese ose prrocka, ose zgjerimi i tyre…”, shtoi Bublaku.
Që njeriu është njëri nga shkaktarët e këtyre vërshimeve e thotë edhe eksperti i emergjencave, Tahir Ahmeti. Ndër faktorët që ndikojnë në vërshime, ai renditi edhe infrastrukturën.
Ndërhyrjet pa kriter në mjedis po ndikojnë që të ketë përmbytje edhe sipas profesorit, Sami Makollit.
Në muajin janar u nga vërshimet patën dëme të mëdha material edhe qyteti i Skenderajt, Mitrovicës, Klinës e Istogut.
