Pjesëtarë të Dhomave të Specializuara dhe të Zyrës së Prokurorit të Specializuar të Kosovës, kanë realizuar sot një bastisje në banesën e familjes së heronjve Fahri e Bahri Fazliu.
Ekipi i Tëvë 1, i cili po qëndron atje ka bërë të ditur se janë sekuestruar telefonat dhe laptopi i punës i Fadilit.
Ndryshe, avokati i familjes, Artan Qerkini i ka quajtur të kota bastisjet derisa ka shtuar se nuk është sekuestruar asnjë provë, përveç disa dokumenteve të cilat kanë qenë publike, shkruan teve1.info
“ Dhomat e Specializuara kanë kryer sot një bastisje në banesën e familjarëve të heronjve, Fahri e Bahri Fazliu në Kodrën e Diellit në Prishtinë. Janë munduar kinse të sekuestrojnë prova të cilat atyre ju nevojiten për procedura të mëtutjeshme, mirëpo unë jam shumë i bindur se ata nuk kanë sekuestruar asnjë provë të vetme dhe se ka qenë një bastisje e kotë dhe humbje kohë për të gjithë ata”.
