Kryetari i Lidhjes Demokratike të Kosovës, Lumir Abdixhiku ka propozuar të martën një Qeveri nacionale të tranzicionit.
Ai këtë e ka bërë në letrën që i ka dërguar Kurtit, ku ka refuzuar ftesën e kryetarit të LVV-së për bashkëpunim politik.
Por, cka është Qeveria nacionale e tranzicionit? Këtë e ka shpjeguar diplomati dhe profesori, Blerim Canaj në emisionin “Këndi i Debatit” në Tëvë1, duke e vlerësuar si ide të mirë propozimin e Abdixhikut.
Ai ka thënë se një qeveri e tillë formohet kur zakonisht ka kriza të thella dhe është e përfaqësuar nga subjekte politike dhe njerëz që vijën nga politika. Sipas tij kjo qeveri është e thirrur për të bërë reforma të thella.
“Qeveria nacionale e tranzicionit janë përfaqësues të partive politike dhe janë njerëz të përbënë që vijnë nga spektri politik. Ata kanë drejtë të bëjnë reforma më të thella edhe krijohet kur krizat janë të thella”, ka sqaruar Canaj.
Ai ka thënë se ky Qeveria nacionale e tranzicionit dallon nga ajo teknike.
Një Qeveri teknike sipas tij, është vetëm me administrua situatën dhe përbëhet nga ekspertët që vijnë jashtë politikës.
“Qeveria teknike përbehet nga ekspert jo politik, teknokrat dhe ata thirren vetëm me administrua dhe s’kanë të drejtë me bë reforma të thella. Është një dallim i madh i kërkesës që ka bë Abdixhiku dhe madje i madh. Nuk është ide e keqe”, ka thënë Canaj.
