Do të ishte edhe titulli i tretë rresht për të udhëhequrit e Pep Guardiolës, që në mesjavë e “shkatërruan” Real Madridin në “Etihad Stadium”, aty ku do të luhet ballafaqimi ndaj klubit londinez.
City është lider në tabelë me 85 pikë, katër më shumë se Arsenali i vendit të dytë.
City e ka edhe një ndeshje më pak të luajtur, ndërsa është në kërkim të tripletës, pasi është në garë për të triumfuar në Ligën e Kampionëve ku do të luajë në finale me Interin, dhe në finale të Kupës FA ku përballet me Unitedin.
Manchester City dhe Chelsea do të takohen për herën e katërt këtë edicion.
“Qytetarët” i kanë fituar tri ndeshjet e kaluara.
Garë shumë e fortë do të zhvillohet edhe për vendet që dërgojnë në Ligën e Kampionëve dhe mbijetesë.
“Champions” luftojnë Newcastle United i vendit të tretë me 69 pikë, Manchester Unitedi me 66 pikë në vendin e katërt dhe Liverpooli me 65 pikë që është i pesti.
Newcastle luan me Leicesterin të hënën në orën 21:00, Man. United udhëton te Bournemouthi të shtunën në orën 16:00, kurse Liverpooli e pret Aston Villan, po të shtunën në orën 16:00.
Ndërkohë largimin nga Premier League do të tentojnë ta evitojnë Nottingham Foresti i vendit të 16-të që ka 34 pikë. 32 pikë ka Evertoni në pozitën e 17-të.
Në tri vendet e fundit që dërgojnë një rang më të ulët, janë Leeds Unitedi me 31 pikë dhe Leicester City me 30 pikë.
Southamptoni është përshëndetur tashmë me Premier Leaguen pasi ka vetëm 24 pikë në 36 ndeshje.
