Manchester City ka shënuar fitore me rezultat 2-1 në udhëtim ndaj Real Madridit pas pjesës së parë në kuadër të fazës së ligës në Ligën e Kampionëve.
Real Madridi e nisi më mirë takimin, dhe që në minutën e katërt pas një goditjeje dënimi, Federico Valverde pati mundësinë më të mirë të hershme, por gjuajtja e tij u devijua nga një mbrojtës dhe përfundoi në këndore.
Në minutën e tretë të pati dramë të pastër me VAR-in: fillimisht arbitri Clement Turpin akordoi penallti për Real Madridin pas një kontakti të Matheus Nunes, por pas rishikimit vendimi u anulua, duke shkaktuar habi te lojtarët madrilenë.
Goli i parë i ndeshjes erdhi në minutën e 28-të. Jude Bellingham gjeti mrekullisht Rodrygon brenda zonës, dhe braziliani me një qetësi të jashtëzakonshme e dërgoi topin në cepin e poshtëm të majtë për 1-0.
City reagoi shpejt dhe në minutën e 35-të barazoi. Nico O’Reilly u tregua i shkathët në zonë, duke përfituar nga një top i kthyer dhe me një goditje të ulët e dërgoi topin në rrjetë për rezultatin 1-1.
Pak çaste më herët, Josko Gvardiol kishte shpërdoruar një rast të artë me kokë pas një goditjeje këndi.
Momenti vendimtar i pjesës së parë ndodhi në minutën e 42-të. Erling Haaland u rrëzua brenda zonës, dhe megjithëse arbitri fillimisht lejoi vazhdimin e lojës, VAR ndërhyri sërish.
Pas rishikimit, Turpin akordoi penallti për Cityn dhe ndëshkoi Antonio Rudiger me karton të verdhë.
Në minutën e 43-të, Haaland mori përgjegjësinë dhe me qetësi absolute e dërgoi topin në cepin e djathtë, duke e kthyer rezultatin në 2-1 për kampionët e Anglisë.
City rrezikoi sërish më pjesën e dytë me një goditje të Dokus, të cilën Courtois e ndali me një pritje të shkëlqyer.
Real Madrid pati dy mundësi të mëdha për të barazuar, fillimisht me Vinicius Junior dhe më pas me Endrick, gjuajtja e të cilit përfundoi në traversë në minutën e 85-të.
Pas kësaj humbje Real Madridi zbret në pozitën e shtatë dhe ka 12 pikë ndërsa Manchester City ngjitet në pozitën e katërt me 13 sosh
