Manchester City e Paris Saint-Germaini, i kanë shpëtuar eliminimit nga faza e ligës në Ligën e Kampionëve.
Në xhiron e fundit të kësaj faze, City e Parisi kanë fituar për të siguruar vend në plejofin e Championsit.
Të mërkurën mbrëma, City mposhti 3:1 Bruggen në “Etihad Stadium” kurse PSG-ja triumfoi 4:1 në udhëtim te skuadra e Stuttgartit.
City e mbylli fazën e ligës me 11 pikë duke përfunduar I 22-ti pas gjashtë ndeshjeve të luajtura, ndërsa Parisi tuboi 13 sosh dhe zuri vendin e 15-të.
Në plejofin e Championsit për një vend në 1/8 e finales, janë kualifikuar 16-të skuadra, të cilat fazën e ligës e kanë përfunduar prej pozitës 9 deri në të 24-të.
Kështu që, krahas Cityt e Parisit, në plejof kanë shkuar edhe Atalanta, Borussia Dortmundi, Real Madridi, Bayern Muncheni, Milani, PSV Eindhoveni, Benfica, Monaco, Bresti, Feyenoordi, Juventusi, Celticu, Sportingu dhe Brugge.
Në 1/8 e finales, kanë avancuar tetë skuadrat e para: Liverpooli, Barcelona, Arsenali, Interi, Atletico Madridi, Bayer Leverkuseni, Lille dhe Aston Villa.
Ndërkohë, prej Championsit janë eliminuar skuadrat që kanë përfunduar prej pozitës 25 deri në 36, aq sa morën pjesë në fazën e ligës.
Skuadrat e eliminuara nga Liga e Kampionëve që e ka ndryshuar formatin këtë sezon, janë: Dinamo Zagreb, Stuttgart, Shakhtar Donetsk, Bologna, Cërvena Zvezda, Sturm Graz, Sparta, Leipzig, Girona, Salzburg, Slovan Bratislava dhe Young Boys.
Rezultatet e xhiros së fundit:
Aston Villa – Celtic 4:2
Barcelona – Atalanta 2:2
Bayer L. – Sparta P. 2:0
Borussia D. – Shakhtar 3:1
Brest – Real Madrid 0:3
Dinamo Z. – Milan 2:1
Girona – Arsenal 1:2
Inter – Monaco 3:0
Lille – Feyenoord 6:1
PSV – Liverpoo 3:2
Sporting – Bologna 1:1
Bayern M. – Slovan B. 3:1
Juventus – Benfica 0:2
Man. City – Brugge 3:1
Salzburg – Atletico M. 1:4
Sturm G. – Leipzig 1:0
Stuttgart – PSG 1:4
Young Boys – C. Zvezda 0:1
