Nënkryetarja e PDK-së, Vlora Çitaku ka thënë se Ministria e Punëve të Jashtme ka zhdukur nga historiku në web faqe tërë aktivitetet, emrat, dokumentet dhe fotografitë e Ministrave paraprak ( përveç Glauk Konjufcës dhe Donika Gërvallës).
Ajo tha se kjo llojë sjellje është mjerim dhe marrëzi, shkruan teve1.info
“Ministria e Punëve të Jashtme paska zhdukur nga historiku në web faqe tërë aktivitetet, emrat, dokumentet dhe fotografitë e Ministrave paraprak ( përveç Glauk Konjufcës dhe Donika Gërvallës).
“Zhdukja” e paralajmëruar nga Kurti, tashmë paska filluar. Kjo lloj sjellje është mjerim dhe marrëzi. Historia as nuk retushohet e as nuk zhduket. Jo në vitin 2023”, ka shkruar Çitaku.
Redaksia ka bërë një kërkim të thjeshtë në web faqe të MPJD dhe nuk ka rezultuar asnjë lajmë të ish-ministrit, Glauk Konjufca.
Të gjitha lajmet janë të ministres aktuale, Donika GërWalla-SchWarz.
Ndërsa, në web faqe janë të listuar emrat e gjithë ish- ministrave të jashtëm.
Teve1.info ka dërguar pyetje në email të MPJD-së dhe është në pritje të një përgjigje se pse ka ndodhur një gjë e tillë.
