Çitaku përmes një shkrimi në Facebook, ka ironizuar me vizitën e Kurtit në një fabrikë të çokollatave në Zvicër.
“E paprecedan dhe tërësisht e papërgjegjshme që Kryeministri në detyrë tash e tri javë është jashtë Kosovës. Sot e paska vizituar njê fabrikë të çokollatave në Zvicër, e paska bërë shqiponjën me studentët shqiptarë atje”, ka shkruar ajo.
Sipas saj, vizita e Kurtit në SHBA mund të kualifikohet si studimore.
Ajo, po ashtu thotë se bordi i ri i AKP-së i emëruar nga Kurti ka shpallur valën e re të privatizimeve, përkundër deklaratave të Kurtit se s’do të ketë privatizime.
“Vizita në SHBA mund të kualifikohet si studimore, thënë më së buti. Në ndërkohë në Kosovë inflacioni ka kaluar 11%, e sot bordi i AKP-së, i zgjedhur nga Kurti paska shpallur valën e re të privatizimeve ( kujtoni pak deklaratat e Kryeministrit për privatizimin në Kosovë )”, ka thënë Çitaku.
Kryeministri i vendit, Albin Kurti gjatë qëndrimit të tij në Zvicër ka takuar drejtuesit e ndërmarrjeve zvicerane. Ai ka kërkuar nga ta rritje të investimeve në Kosovë. /teve1.info/
