Nënkryetarja e Partisë Demokratike të Kosovës, Vlora Çitaku ka thënë se kryeministri, Albin Kurti dhe eksponentët e Vetëvendosjes po vazhdojnë të krijojnë kriza dhe konflikte me aleatët.
Sipas Çitakut, përplasjet me aleatët po bëhen për të kompensuar mungesën e sukseseve të kësaj qeverie.
“Kryeministri dhe eksponentët e VV vazhdojnë të krijojnë kriza dhe konflikte me aleatët. Tashmë është e qartë, përplasjet me aleatët, në emër të sovranitetit, po bëhen për të kompensuar mungesën e sukseseve në qeverisje , dhe për të mbuluar skandalet”, ka shkruar ajo në Facebook.
Po ashtu, Çitaku vlerëson se një mendësi e tillë nuk mund të jetë e gjatë.
