Përmes një statusi në Facebook, ajo shkroi se pala serbe nuk është pajtuar as në Rambuje, marrëveshje e cila sipas Çitakut e solli lirinë e Kosovës.
“Serbia edhe mund të mos pajtohet me marrëveshjen përfundimtare me njohjen reciproke në qendër. Tekefunidt, nuk janë pajtuar as në Rambuje (marrëveshje e cila na e solli lirinë) e as ne Vienë (marrëveshje e cila na e solli pavarësinë).
Audienca jonë janë Washingtoni dhe Brukseli. Ata duhet t’i bindim se jemi serioz dhe të përgatitur. Ata mbajnë çelësin e anëtarësimit të Kosovës në BE dhe NATO”, ka shkruar Çitaku.
Këtë deklaratë ajo e bënë gjatë takimeve që po zhvillohen tash e dy ditë nga krerët institucional të Kosovës në Prishtinë me ndërmjetësuesit e dialogut Kosovë-Serbi, Miroslav Lajçak dhe Gabriel Escobar.
