Nënkryetarja e Partisë Demokratike të Kosovës, Vlora Çitaku ka thënë se fyerjet që po ju bëhen policëve të Kosovës janë të papranueshme dhe të ulta.
Madje ajo tha se të tilla kanë qenë në të kaluarën, të tilla janë edhe sot.
Çitaku në Facebook i ka bërë thirrje institucioneve të vendit që të veprojnë me maturi dhe gjakftohtësi.
“Fyerjet që po ju bëhen policëve të Kosovës janë të papranueshme, të ulta. Të tilla kanë qenë në të kaluarën, të tilla janë edhe sot. Institucionet e Republikës duhet të veprojnë me maturi dhe gjakftohtësi. E para dhe më e rëndësishmja sot është që policët e rrëmbyer nga forcat serbe të kthehen menjëhere në Kosovë. Leni popullizmat dhe aventurat. Uluni dhe koordinoni hapat e mëtejmë me aleatët tanë. Qeverisja nuk është lojë fëmijësh”, ka shkruar ajo./teve1.info./
