Sot është mbajtur seanca e përbashkët plenare mes Kosovës dhe Shqipërisë.
Në këtë mbledhje kanë marrë pjesë të gjithë drejtuesit grupeve parlamentare pozitë-opozitë të të dyja vendeve.
E për këtë çështje, analisti nga Shqipëria, Aleksandër Çipa ka komentuar mbledhjen e seancës parlamentare mes të dyja vendeve, ku thotë se të dy kryeministrat kanë pasur një interes që kanë realizuar këtë aktivitet.
Ai tha se palët janë të interesuar që të evitojnë atë që ka determinuar deri më tani marrëdhëniet e ftohta mes dy kryeministrave.
“Në planin simbolikës përafruese midis dy republikave tona kjo e ka një vlerë të rëndësishme, por në simbolizmin e vet. Udhëheqësit politikë kryesisht dy kryeministrat respektivisht si të Shqipërisë dhe të Kosovës kanë pasur një interes që e kanë realizuar këtë aktivitet i cili merr një vlerë të themi të për formimit, por njëkohësisht edhe të show politik, jemi të dy vendet në një fushatë elektorale palët janë të interesuara që të evitojnë atë që ka determinuar deri tani marrëdhëniet bilaterale kryesisht një ftohtësi mes të dy kryeministrave, me sa duket kjo çështje është tejkaluar duke realizuar këtë eveniment politik të ditës nga i cili nga pikëpamja e imazhit por edhe nga pikëpamja e efektit publik përfitojnë si kryeministri Kurti ashtu edhe Rama”, ka deklaruar ai.
Çipa shton se marrëdhënia e Kurtit dhe Ramës është antagoniste.
“Në kushtet kur marrëdhënia midis dy kryeministrave shfaqet gati antagoniste dhe që është determinuar nga një ftohtësi e ndërveprimit individual ose bilateral midis tyre një gjë apo një pretendim i tillë, mendoi që është i përjashtuar”, shtoi Çipa.
Analisti tha se Shqipëria duhet të marrë pjesë në një shpejtim të procesit të anëtarësimit të Kosovës në NATO.
“Mendoj që konstatimi që kryeministri Kurti bëri se NATO është në Kosovë, por Kosova nuk është ende pjesë e NATO-s, është konstatim i drejtë dhe Shqipëria duhet të marrë një ngasje që një propozim të tillë t`a bashkëshoqërojë edhe duhet ta bënte më herët këtë siç ka qenë propozimi i sjellë nga Kroacia për Kosovë, sot është një moment ose një porturnitet shumë i mirë që Shqipëria bëhet pjesë e zërave që shtojnë për shpejtimin e procesit të anëtarësimit të Kosovës në NATO”, tha ai./teve1.info/
