Këshilltari i lartë në Departamentin Amerikan të Shtetit, Derek Chollet e ka telefonuar kryeministrin Albin Kurti, një ditë para takimit të tij me presidentin serb Vuçiq në kuadër të dialogut.
Ndër të tjerash, Chollet ka shkruar se Kurtit i ka folur për “rëndësinë e zbatimit të menjëhershëm të Asociacionit të Komunave me shumicë serbe”.
“Bisedë shumë e mirë me kryeministrin Albin Kurti për takimin e liderëve të 2 majit për normalizimin e marrëdhënieve me Serbinë përmes Dialogut të Lehtësuar nga BE, rëndësinë e zbatimit të menjëhershëm të Asociacionit të Komunave me shumicë serbe dhe partneritetin e fortë SHBA-Kosovë”, ka shkruar Chollet.
Very good conversation with PM @albinkurti about the May 2 leaders’ meeting on normalizing relations w/ Serbia through the EU-Facilitated Dialogue, the importance of implementing the Association for Serb-majority Municipalities immediately, and strong U.S.-Kosovo partnership.
— Derek Chollet (@CounselorDOS) May 1, 2023
