Këshilltari i Departamentit të Shtetit, Derek Chollet, pas bisedës me kryeministrin e Kosovës, Albin Kurti, ka shkruar se Shtetet e Bashkuara të Amerikës mbështesin një takim konstruktiv që tregon përkushtimin e Kosovës dhe Serbisë ndaj propozimit të BE-së, duke ju referuar takimit të 27 shkurtit, ku Kurti e Vuçiq do të takohen në Bruksel.
“Kam folur sot me kryeministrin Albin Kurti para takimit të udhëheqësve të dialogut të ndërmjetësuar nga BE-ja për avancimin e normalizimit të marrëdhënieve ndërmjet Serbisë dhe Kosovës. SHBA-të mbështesin një takim konstruktiv që afirmon përkushtimin e të dyja palëve ndaj propozimit të BE-së”, ka shkruar Chollet në Twitter.
Derisa, në njoftimin për media të Qeverisë thuhet se gjatë kësaj bisede telefonike, Kurti ka konfirmuar qëndrimin e tij për propozimin evropian “si bazë të mirë për bisedimet e mëtutjeshme drejt normalizimit të marrëdhënieve”, përcjell teve1.info.
Ndërkaq, bisedën me Cholletin, Kurti, e cilësoi si “telefonatë fantastike”, teksa u shpreh se normalizimi i plotë kërkon njohje reciproke./teve1.info/.
Spoke with PM @albinkurti today ahead of the EU-facilitated Dialogue leaders’ meeting to advance normalization of relations between Serbia and Kosovo. The U.S. supports a constructive meeting that affirms both parties’ commitment to the EU proposal.
— Derek Chollet (@CounselorDOS) February 25, 2023
