Këshilltari i lartë i Departamentit të Shtetit, Derek Chollet dhe i dërguari për Çështje Evropiane dhe Euro-Aziatike, Gabriel Escobar do të raportojnë sot para senatit.
Escobar dhe Chollet do të flasin për temën ”Vlerësimi i politikës së ShBA-së ndaj Ballkanit Perëndimor” në Komisionin e Senatit për Marrëdhëniet me Jashtë.
E dje këshilltarin special Chollet pati një bisedë telefonike me presidentin serb, Vuçiq.
Sipas mediave serbe, mes tyre, Kosova ishte temë diskutimi.
Chollet, tha se është e nevojshme që të shmangen provokimet dhe konfliktet mes Kosovës dhe Serbisë.
”Vuçiq dhe Chollet, deklaruan se marrëdhëniet serbo-amerikane po zhvillohen në një drejtim të mirë, veçanërisht në fushën e bashkëpunimit ekonomik, siç dëshmohet nga rritja e shkëmbimeve tregtare, njoftoi shërbimi për bashkëpunim me mediat i Presidentit të Serbisë”, raporton Tanjug, përcjell teve1.info.
Më tej thuhet se Vuçiq, i ka theksuar diplomatit amerikan se sot është vendosur fluturimi i Air Serbia ndërmjet Beogradit dhe Çikagos, ku sipas tij, do forcojë edhe më shumë lidhjet serbo-amerikane.
