Skuadra e Chelseat edhe zyrtarisht ka shprehur interesim në sulmuesin e Gironas, ukrainasin Artem Dovbyk ka shkruar të hënën “Fichajes”.
Mësohet se Chelsea tashmë ka bërë gati ofertën për ta bindur ekipin spanjoll në lirimin e 26-vjeçarit me të përfunduar edicioni aktual.
Për transferimin e reprezentuesit të Ukrainës, Chelsea është gati të paguajë deri në 50 milionë euro dëmshpërblim.
Dovbyk po shkëlqen këtë edicion te Girona, ekip me të cilin ka kontratë deri në verën e vitit 2028. Në 33 paraqitje në të gjitha garat deri më tani, Dovbyk ka shënuar 17 gola dhe ka bërë 7 asistime për ekipin spanjoll, të cilit iu bashkua verën e shkuar nga Dnipro e Ukrainës.
