Chelsea ka vendosur ta shënjestrojë Eduardo Camavingan si një nga përforcimet kryesore për afatin kalimtar të verës 2026.
Mesfushori francez i Real Madridit shihet nga trajneri Enzo Maresca si lojtari ideal për të kompletuar një mesfushë elitare përkrah Enzo Fernandez dhe Moises Caicedo.
Camavinga, i cili është nën kontratë me Real Madridin deri në vitin 2029, nuk po kalon momentin më të mirë në ‘Bernabeu’.
Një dëmtim i pësuar sezonin e kaluar dhe mungesa e minutave me trajnerin e ri Xabi Alonso kanë ngritur dyshime për të ardhmen e tij në klubin spanjoll.
Blutë janë të gatshëm të ofrojnë rreth 60 milionë euro për shërbimet e tij, një shumë që mund të tundojë drejtuesit e Real Madridit, të cilët mund ta shfrytëzojnë këtë shitje për të rinovuar mesfushën.
Camavinga ka zhvilluar 180 ndeshje me fanellën e Los Blancos, duke treguar vlera të mëdha si lojtar i adaptueshëm dhe me përvojë në nivelet më të larta.
Për londinezët, ky transferim do të kishte ndikim të dyfishtë, sportivisht do të shtonin një lojtar me potencial të madh, ndërsa strategjikisht do të përforconin imazhin e klubit si pretendent serioz në Ligën Premier dhe Evropë.
Për Camavingan, vera e vitit 2026 mund të jetë momenti për të rifilluar me një rol më të madh në një ambient të ri.
