Chelsea nuk e ka nisur aspak mirë këtë sezon dhe ka mbetur larg zonës Champions të renditjes, ndaj drejtuesit e klubit janë vënë në lëvizje për të përforcuar organikën në merkaton e janarit.
Goditja e parë do të jetë mbrojtësi francez i Monacos, Benoit Badiashile, pasi mediat londineze raportojnë se akordi mes palëve është arritur dhe zyrtarizimi pritet të bëhet gjatë kësaj jave.
Badiashile luan si qendërmbrojtës dhe është 21-vjeç, ndërsa Chelsea i ka ofruar kontratë 5-vjeçare dhe në arkat e Monacos pritet të kalojnë rreth 40 milionë euro.
Emri tjetër që mund të transferohet në Londër, është zbulimi i Botërorit të Katarit, Enzo Fernandes, për të cilin londinezët po negociojnë me Benficën. Për momentin problem mbetet çmimi pasi portugezët janë një klub që shesin shtrenjtë dhe në rastin e argjentinasit, synojnë të arkëtojnë rreth 120 milionë euro.
Blutë e londrës momentalisht ndodhen në pozitën e 8-të tabelare me 25 pikë, ku në 16-të ndeshjet e para kan anketuar 7 fitore, 4 barazime dhe 5 disfata.
