Gara më e madhe evropiane për klube Liga e Kampionëve edhe këtë të mërkurë do të sjellë “magjinë” dhe spektakëlin e futbollit për mbarë miliona ndjekës të këtij kompeticioni.
Ndeshje me interes të lartë do të zhvillohen në grupet E, F, G dhe H. Kryendeshja e mbrëmjes padyshim që do të jetë ajo në mes Parisit dhe Milanit. Parisienët pas humbjes së thellë që pësuan nga Newcastle, kërkojnë që në “Parc de Prince” ti kthehen fitoreve dhe pikërsht ndaj Rossonerëve që nuk janë dijeni ende për fitore, pos barazimeve të arritura në dy ndeshjet e para.
Kurse në anën tjetër Newcastle mund të arratiset në Grupin F, pasi do të luajë sërish si vendas dhe përballë do të ketë Dortmundin, skuadër kjo që nuk është në elementin e tyre në Ligën e Kampionëvë këtë edicion, ndryshe së herë të tjera dhe pikërisht këtë moment aspak të mire të gjermanëve do të mundohet ta shfrytëzojë ekipi anglez.
Megjithatë, interesi për tifozët shqiptarë nuk është vetëm Franca dhe Anglia, pasi do të jetë edhe Belgjika. Futbollisti nga Mitrovica, Arbnor Muja do të zbres në fushë me Antwerpin ndaj Portos. Ekipi portugez është favoritë në letër, por që interesi kuqezi është paraqitje dhe përformanca e Mujës në këtë kompeticion madhor për klube në kuadër të Grupit H. Aty ku do të përballen edhe lideri Barcelona ndaj skuadrës ukrainase Shakthtar Donetskut, me këtë ndeshje që nis nga ora 18:45.
Ndërsa kampioni aktual i këtij kompeticioni, Manchester City do të ketë punë me Young Boysin e Zvicrës. Shpresë kësaj radhe që Donat Rrudhani dhe Kastriot Imeri të kenë minuta në sfidën që i takon Grupit G, derisa në po të njëjtin grup zhvillohet edhe takimi mes Leipzigut dhe skuadrës nga Beogradi, Ylli I kuq.
Kurse Atletico Madrid do të mundohet të rrëmbej pike në Skoci ndaj Celtic, pavarësisht tifozerisë së flaktë nga ana e skocezëve, ekipi spanjoll është favorite dhe nuk diskuton epilog tjetër pos fitores, derisa sfida kokë me kokë në grupin E është mes Lazio dhe Feyenoord që kanë pikë të barabarta dhe në këtë ndeshje do të mundohen ti “qërojnë” hesapet mes tyre.
Ndeshjet e mbrëmjes do të jenë me orarë të ndryshme. Gjashtë nga sfidat interesantë nisin prej orës 21:00, kurse dy të tjera nga ora 18:45.
