Seanca konstituive e Kuvendit ka dështuar të vazhdojë edhe në tentimin e dytë.
Në fillim të seancës të së enjtes, kryesuesi i seancës, Avni Dehari, kërkojë konsultime me partitë politike për letrën që ia kishte kthyer presidentja Vjosa Osmani lidhur me vazhdimin e seancës.
Ai tha se këtë konsultim po e kërkon për të mos bërë shkelje procedurale.
Por një thirrje të tillë e kundërshtuan PDK, LDK, AAK.
Ata thanë se kryesuesi nuk ka të drejtë të thërras për konsultime.
Ndërsa, nga LVV akuzuan opozitën se po bllokon konstituimin e Kuvendit.
Pas afër një orë pauzë të seancës, kryesuesi Dehari u kthye në sallë, duke njoftuar se seanca ndërpritet dhe se një tjetër do të thirret pas 48 orëve.
Kryesuesi i seancës, Avni Dehari, ka thënë se në takim me përfaqësuesit e partive nuk pati konsensus.
“Takimi shpërfaqi qëndrimet aktuale të tyre. Pati përfaqësues që e braktisën konsultimin. Fatkeqësisht nuk pati konsensus”, ka thënë ai.
