Ushtarët amerikanë të mërkurën në Leposaviq zhvilluan një lojë me protestuesit serbë, atë që ndryshe njihet si “Loja me litar”.
E kjo bëri që situata të martën në Leposaviq të jetë shumë më e qetë.
Dikush luante futboll, dikush tjetër shah, e të tjerë preferonin të qëndronin nëpër kafiteritë afër komunës.
Por, e gjithë kjo u shoqërua me këngë nacionaliste kundër shqiptarëve.
Situatë e njëjtë u pa edhe në Zveçan.
Numri i protestuesve ishte më i vogël.
Njësoj, më i vogël ishte edhe numri i ushtarëve të KFOR-it që po e ruanin objektin e komunës.
Ajo që ra në sy ishte mungesa e dy liderëve të Listës Serbe.
Goran Rakiq dhe Igor Simiq, nuk qëndruan afër protestuesve sikurse ditëve të kaluara, pasi që kishin takime me Miroslav Lajcak dhe Gabriel Escobar në Prishtinë.
Këtë detyrë e mori Liljana Aksentijeviq – e cila të premten u akuzua nga kryeministri Albin Kurti, se është organizatore e trazirave në Zveçan.
Vapës së madhe protestuesit në Zubin Potok tentuan t’i ikin në këtë formë.
Para tyre objektin e komunës po e ruanin pjesëtarët e Policisë së Kosovës.
Kësaj radhe ekipi i angazhuar për një gjë të tillë ishin nga stacioni rajonal i Pejës.
Mbylljen e protestës e përshpejtuan paksa edhe reshjet e shiut.
Derisa protestuesit po largoheshin, ushtarët e KFOR-it përmes qëndrimit në veturë vazhdonin të qëndronin në ruajtje të objekteve komunale.
Kronika e realizuar nga gazetari Arton Rama