Kryeministri i Kosovës, Albin Kurti nuk është paraqitur në Prokurorinë Speciale të martën për të dhënë dëshminë e tij lidhur me çështjen e rezervave shtetërore.
Për këtë ka reaguar edhe Prokuroria Speciale e cila ka thënë se do të veprojë sipas legjislacionit në fuqi.
Avokati, Xhevdet Smakiqi ka thënë se nëse Kurti nuk iu përgjigjët kësaj ftese atëherë ai mund të dënohet me gjobë, por ashtu edhe me paraburgim.
“Neni 132 e parasheh këtë situatë nëse dëshmitari nuk paraqitet edhe përkundër urdhrit të gjyqtarit të procedurës paraprake… atëherë gjyqtari mund ta shqiptojë një gjobë prej 250 eurosh. Mirëpo duke qenë se dëshmitari ka deklaruar publikisht që nuk do t’i përgjigjet Prokurorisë Speciale unë e konsideroj që gjyqtari mund të ta shqiptojë një gjobë, por nuk ka nevojë për gjobën e dytë por, të shkohet më zbatimin e nenit 132 paragrafi 1 e që është masa e paraburgimit prej një muajsh. Ndërsa paragrafi 2 i po këtij nenei përcakton se nëse dëshmitari edhe përkundër prezencës refuzon të dëshmojë në këtë rast do t’i shqiptohet gjobë dhe sigurisht edhe masa e paraburgimit”, ka thënë ai në emisionin “Ditari” në Tëvë1.
