Presidenti i Francës, Emanuel Macron, ka bërë të ditur se Franca ka pezulluar liberalizimin e vizave për Kosovën.
Ai tha se këtë e ka bërë pasi Kosova nuk ka mbajtur fjalën e dhënë për respektim të marrëveshjes dhe de përshkallëzim të situatës në veri.
Një paralajmërim të tillë ai e kishte dhënë edhe në fund të muajit gusht.
“Franca e Gjermania kanë bërë zotime sa i përket politikave të vizave dhe çështje tjera ekonomike, nëse palët dështojnë të sillen me përgjegjësi. Duhet të jemi vigjilentë veçanërisht në këtë aspekt, veçanërisht kur bëhet fjalë për stabilitetin në Ballkanin Perëndimor”, tha Macron, kishte thënë Macron.
Por, nga Gjermania kanë bërë të ditur se nuk ka ndryshim sa i përket liberalizmit të vizave dhe se kosovarët do të lëvizin lirshëm nga 1 janari i vitit 2024.
Por, paralajmërimin e Macron e kishte komentuar presidentja e Kosovës, Vjosa Osmani. Ajo kishte thënë se kthimi i regjimit të vizave do të ishte vrasje për dialogun.
“Paralajmërimi i rikthimit të regjimit të vizave do të thoja se kjo do të ishte mënyra më efektive për ta vrarë dialogun një herë e përgjithmonë. Në qoftë se dëshiron dikush që mos të ketë dialog, atëherë merr masa të tilla që janë masa ndëshkuese ndaj popullit të Kosovës, nuk janë ndaj ndonjë lideri. Besoj shumë që as nuk do të vij deri tek ajo punë, Kosova i ka plotësuar dhe stërplotësuar kriteret. Kosova e ka merituar heqjen e vizave nuk është që i është dhënë dhuratë”, kishte thënë Osmani./teve1.info/
