Orët e para të mëngjesit, qenë të ngarkuara për kryeministrin në detyrë, Albin Kurti.
Një nga një, kreu i ekzekutivit i takoi krerët e partive pakicë joserbe në kuadër të konsultimeve për formimin e qeverisë së re.
Takimi nisi me Duda Baljen, Kryetare e Unionit Socialdemokrat.
Balje pas takimit me shefin e qeverisë në detyrë tregoi kushtin e saj për votimin e qeverisë Kurti III teksa e bëri të qartë që Kurtit si ka dhënë asnjë konfirmim.
“ Unë dola para kryeministrit me disa kërkesa të cilat ne si boshnjakë i kemi nuk kemi marrë asnjë konfirmim dhe nuk kemi dhënë asnjë konfirmim. Dmth, është takimi i parë tash për tash jemi në fazën e bisedimeve.0:56 Kërkesa është komuna boshnjake është reforma në arsim dhe tretmani i barabartë me krejt deputetët që kanë një votë brenda kuvendit”, tha Balje.
Pas kësaj, radha i erdhi Veton Berishës nga komuniteti egjiptian.
Edhe Partia Liberale Egjiptiane pati një kërkesë për kryetarin e Lëvizjes Vetëvendosje, që fitoi zgjedhjet e 9 shkurtit.
“ Diskutuam për mundësinë e një bashkëpunimi mes nesh, ne normalisht si Parti Liberale Egjiptiane, kemi kërkesat tona që janë me zhvillimin e komunitetit egjiptian që është një nevojë e domosdoshme që me investua në komunitet. Në parim nuk kemi asnjë vijë të kuqe me askënd, në këtë rast as me kryeministrin Kurti”, tha Berisha.
Optimist që do të votohet ekzekutivi në krye me Albin Kurtin, ishte Albert Kinolli nga partia Rome e Bashkuar e Kosovës (PREBK).
“Ne kemi parashtruar kërkesat tona pasi që jemi të përfaqësuar në Kuvendin e Kosovës me 1 deputet, që të jemi të barabartë dhe të trajtohemi të barabartë në mënyrë të denjë me të gjitha subjektetet tjera politike që janë në një vijë me ne. Ne po presim 15 prillin besojmë se kryeministri Kurti do ti ketë numrat e nevojshëm” , u shpreh Kinolli
Gatishmëri për koalicion, shprehi edhe Rasim Demiri nga koalicioni VAKAT, por ai tha se nëse bëhet komuna boshnjake, kandidat për kryetar është vet Demiri.
“Kemi diskutuar për shumë sene me kryeministrin, edhe kryeministri edhe ne e kemi gatishmërinë për formimin e institucioneve edhe Qeverinë e Republikës së Kosovës.. 0135. Nëse bëhet komuna, unë jom ai që mundem me qenë kandidati për kryetar të komunës sepse prej këtij rajoni” , tha ai.
Qeveria për këto takime lëshoi komunikata të ndara.
Nga pesë takimet me udhëheqësit e partive pakicë, gatishmëri për bashkëpunim kanë marrë nga Fikrim Damka nga Partia Demokratike Turke, Rasim Demiri nga koalicioni Vakat, dhe Albert Kinolli nga Partia e Romeve te Bashkuar.
E Zyra e kryeministrit tregoi detaje rreth takimit me Duda Balje e Unionit Socialdemokrat dhe Veton Berishën nga Partia Liberale Egjiptiane.
“Kryeministri Kurti e uroi znj. Balje për mandatin e ri në Kuvendin e Republikës së Kosovës. Diskutuan për procesin dhe rëndësinë e formimit të institucioneve pas certifikimit të rezultateve të zgjedhjeve të 9 shkurtit dhe për mundësitë e vazhdimit të bashkëpunimit të deritanishëm në ekzekutiv dhe legjislativ. Veton Berisha – Gjatë bisedës, kryeministri veçoi promovimin dhe fasilitimin e punësimit përmes
