Shkruan: Tomorr Avdia
Dje, kur pritej liberalizimi i vizave për Kosovën, Franca bëri të ditur se e kushtëzon këtë proces me funksionalizimin e sistemit për siguri në Evropë, ETIAS.
Vitet e fundit, e kanë fituar liberalizimin shtete nga rajone të ndryshme të botës, përfshirë Amerikën Latine, hapësirën post-sovjetike etj…
Por, Parisi nuk ua ka vënë një kusht të tillë. Vallë, kaq të rrezikshëm për Francën dhe Evropën qenkan shqiptarët e Kosovës?
Akuzë më të rëndë për ta, se sa ajo e Dik Martit për trafikim ilegal të organeve njerëzore, nuk ka pasur, por ajo u hodh poshtë nga Gjykata Speciale e Hagës.
Ashtu siç janë hedhur poshtë edhe akuzat e Beogradit dhe të Moskës për shqiptarët si fundamentalistë, terroristë, etj..!
Atëherë, çfarë e tremb Francën? Çfarë fshihet pas paranojës së neveritshme të Parisit, zyrtar për shqiptarët e Kosovës?
Por sidoqoftë, shtyerja në mënyrë të përsëritur nxjerrë në sipërfaqe një fakt, të cilin nuk mund ta gjesh nē asnjë nga kriteret e shkruara për liberalizim vizash nga ana Bashkimit Evropian.
Kjo, pasiqë këtu më nuk bëhet fjalë për procedura e përmbushje kriteresh administrativo-legjislative.
Pas, saktësisht duket që kemi të bëjmë me interpretime dhe kritere krejtësisht politike.
Një vendim i tillë bën që të humb kredibilitetin e një mekanizmi siç trumbeton të jetë Bashkimi Evropian.
Opinioni përmban pikëpamjet e autorit dhe nuk prezanton qëndrimet editoriale të tëvë1.info.
