Izraeli ka nisur një sulm ndaj Iranit në orët e para të së premtes.
Cak i sulmit me afër 200 avionë ushtarak ishin objektet bërthamore dhe ushtarake të Iranit.
Nga sulm raportohet se janë vrarë disa shkencëtarë iranianë dhe disa udhëheqës të lartë ushtarak, në mesin e tyre edhe shefi i Shtabit të forcave të armatosura të Iranit.
Kryeministri izraelit, Benjamin Netanyahu, ka thënë se Izraeli kreu operacion ushtarak duke e arsyetuar se qëllimi është të frenohet kërcënimi i Iranit ndaj shtetit të tij.
Ai ka paralajmëruar se sulmi do të vazhdojë deri në “eliminimin” e këtij kërcënimi.
Ndërsa, Irani ka paralajmëruar se do të hakmerret për këtë sulm.
Ministri i Jashtëm i Iranit thotë se sulmet izraelite ishin një “deklaratë lufte” në një letër drejtuar Kombeve të Bashkuara, raporton agjencia e lajmeve AFP.
Gjithashtu thuhet se Abbas Araghchi i bën thirrje Këshillit të Sigurimit të OKB-së që “ta adresojë menjëherë këtë çështje”
Si reagim ka lëshuar mbi 100 dornë në drejtim të Izraelit.
Ushtria e këtij shteti ka thënë se ka kapur të gjithë dronët.
Irani ka akuzuar Shtetet e Bashkuara të Amerikës se ishin të përfshirë në sulm. Por Trump ka mohuar se kanë qenë të përfshirë, por ka pranuar se kanë qenë në dijeni.
Ndaj sulmit kanë reaguar edhe shtete tjera, duke përfshirë edhe sekretarin e NATO-s, duke bërë thirrje për depërshakllëzim të situatës.
Shefi i përgjithshëm i NATO-s, Mark Rutte, ka deklaruar se është “jashtëzakonisht e rëndësishme” që aleatët e Izraelit të punojnë në drejtim të depërshkallëzimit.
Kryeministri i Britanisë, Keir Starmer, i ka bërë thirrje Iranit dhe Izraelit që të depërshkallëzojnë tensionet urgjentisht.
Autoritetet turke i kanë bërë thirrje Izraelit të ndalojë “veprimet agresive” pas sulmeve në Iran, që kanë ndodhur në kohën kur po mbahen negociatat e diskutime të gjera rreth programit bërthamor të Republikës Islamike.
