Me tensione është përcjellur seanca në rastin ku Andi Pajaziti dyshohet se vrau vitin e kaluar në një kafiteri në Prishtinë Kastriot Ramadanin
Si nga ana e të pandehurit ashtu edhe nga ana e viktimës, ulëset ishin të gjitha të mbushura.
Andi Pajaziti u soll dhe u ruajt nga një numër i madh i forcave policore.
Fillimisht prokurori lexoi aktakuzën teksa përmendi se Pajaziti ngarkohet për dy vepra penale, të vrasjes së kryer në gjendje të tronditjes së fortë dhe armëmbajtjes pa leje.
Pas tij, i dyshuari për vrasje Pajaziti për njërën vepër u deklarua i pafajshëm, kurse për tjetrën jo.
Por nga mbrojta e të dëmtuarit kanë kundërshtuar kualifikimin juridik për veprën penale për të cilën ngarkohet i akuzuari.
Teksa kërkoi që klientit të tij ti ndërpritet masa e paraburgimit avokati, Fanol Krasniqi tha se as Andi nuk e kishte dashur vdekjen e të ndjerit.
Kërkesa për zëvendësimin e masës së paraburgimit u refuzua nga gjyqtari Eroll Gashi, teksa tha se palët kanë një muaj kohë të bëjnë kërkesë për kundërshtim të provave dhe hudhje të aktakuzës.
I dyshuari tjetër për përfshirje në këtë rast, Dukagjin Likaj, gjendet në arrati.
