Celticu i Skocisë duket se ka parakaluar Beshiktashin e Turqisë dhe Parman e Italisë në garën për shërbimet e mesfushorit të Kosovës, Elvis Rexhbeçaj.
Mediumet skoceze raportojnë se trajneri i Celticut, Brendan Rodgers po insiston në transferimin e Rexhbeçajt në verë.
Rexhbeçaj te Celticu po shihet si përforcim i duhur për mesfushën dhe skuadra skoceze tashmë ka bërë gati ofertën për shërbimet e tij.
Thuhet se Celticu është gati të ofroj deri në 4 milionë euro për ta bindur Augsburgun në lirimin e 27-vjeçarit në verë.
Rexhbeçaj ka kontratë me ekipin gjerman deri në vitin 2026 kurse këtë sezon ka 2 gola e 1 asistim në 25 ndeshje në të gjitha garat.
