Bersant Celina pritet të largohet nga skuadra e AIK-ut, gjatë kësaj vere, kanë raportuar të enjten mediumet suedeze.
Bëhet e ditur se Celina ka tërhequr vëmendjen e disa skuadrave jashtë Suedisë, emri i të cilave nuk është bërë i ditur pas paraqitjeve të mira me AIK-un.
Po ashtu, edhe Celina është i gatshëm të largohet nga kampionati suedez dhe tashmë ka njoftuar klubin e tij, që do të marrë parasysh ofertat për 28-vjeçarin.
Celina është njëri prej lojtarëve kyç të AIK-ut, ku në 13 ndeshje kampionale të luajtura deri më tani, ka shënuar 2 gola dhe ka bërë 3 asistime.
Ai ka kontratë me ekipin sudedez deri në verën e vitit të ardhshëm, ndërsa kartoni i tij vlerësohet mbi 2 milionë euro.
Celina para se ti bashkohet AIK-ut, ka bërë karrierë edhe në Francë, Angli, Turqi e Holandë kurse me Kombëtaren e Kosovës ka regjistruar 35 paraqitje dhe ka shënuar 1 gol.
Ai ka luajtur për ekipet si Dijon, Stoke City, Kasimpasha, Ipswich Town, Swansea, Manchester City e Twente.
