Kryekomisioneri i Komisionit Qendror Zgjedhor në Shqipëri, Ilirjan Celibashi, ka uruar kryetarin e KQZ-së së Kosovës, Kreshnik Radoniqi, dhe të gjithë anëtarët e Komisionit për administrimin profesional, transparent dhe të paanshëm të zgjedhjeve vendore të djeshme.
Celibashi ka uruar gjithashtu partitë politike, mediat dhe qytetarët e Kosovës për kontributin e tyre në një proces zgjedhor të qetë dhe demokratik ‘që forcon besimin publik dhe vlerat evropiane të demokracisë’.
“Përshëndes Kryetarin e Komisionit Qendror të Zgjedhjeve të Republikës së Kosovës, Kreshnik Radoniqi, dhe të gjithë anëtarët e Komisionit, për administrimin e zgjedhjeve vendore të djeshme në mënyrë profesionale, transparente dhe të paanshme. Urime gjithashtu partive politike, shoqërisë civile, mediave dhe qytetarëve të Kosovës për kontributin e tyre në një proces zgjedhor të qetë dhe demokratik, që forcon besimin publik dhe vlerat evropiane të demokracisë”, ka shkruar ai në Facebook.
