Ministri i Kulturës, Hajrulla Çeku, sërish është ndaluar të vizitojë Luginën e Preshevës.
Kështu ka bërë të ditur, kryetarja e Preshevës, Ardita Sinani.
Ajo tha se ky veprim është akt i politikës nacionaliste serbe “e cila fshihet pas një fasade pro-evropiane”.
“Ky regjim vazhdon të përkëdhelet nga Perëndimi për arsye gjeostrategjike, ndërsa shqiptarët e Luginës përballen me diskriminim dhe izolim. Por ne nuk ndalemi! Presheva është e vendosur të mbajë lidhjet me të gjitha vendbanimet shqiptare dhe të forcojë bashkëpunimin me Kosovën e Shqipërinë”, ka shkruar në një postim në Facebook./teve1.info/
