Ministri i Kulturës, Rinisë dhe Sportit, Hajrullah Çeku ka njoftuar se është në përfundim renovimi i Palestrës Sportive në Pallatin e Rinisë.
Sipas tij, ky investim do ti kushtojë 200 mijë euro Qeverisë së Kosovës.
“Me dysheme profesionale, kosha dhe karrige me standarde të FIBAs, po sigurojmë qëndrueshmëri infrastrukturore për komunitetin sportiv, për garat e Lojërave Mesdhetare 2030, si dhe klubet të cilat kishin nevojë të kahmotshme për këtë renovim”, tha Çeku.
Ai bëri të ditur se punimet do të fillojnë edhe në palestrën e djegur në Pallatin e Rinisë dhe Sporteve në Prishtinë./teve1.info./
