Kandidati për kryetar të Prishtinës nga Lëvizja Vetëvendosje, Hajrulla Çeku, ka prezantuar planin e tij për zhvillimin e turizmit në kryeqytet.
Çeku ka theksuar se plani parasheh: Investime në 10 atraksionet kryesore të qytetit, me mirëmbajtje të rregullt dhe qasje të lehtë për vizitorët, hapjen e Qendrës për Vizitorë, e cila do të ofrojë informacione shumëgjuhëshe dhe orar të zgjatur, mbështetje për festivalet kulturore, sportive dhe gastronomike.
Ndërkohë, sipas tij, përmes programit “Shtëpia e Miqve”, familjeve me të ardhura të ulëta do t’u ofrohet mundësia të përfshihen në aktivitetet turistike dhe të përfitojnë prej tyre.
“Do të forcojmë gastronominë tonë autentike dhe jetën e natës, në mënyrë që vizitorët ta kujtojnë Prishtinën me buzëqeshje,” ka shkruar Çeku në Facebook.
