Ministri i Kulturës, Rinisë dhe Sportit, Hajrulla Çeku, thotë se themelimi i Muzeut të Gjenocidit dhe Përpjekjes për Liri vjen si rezultat i punës me përbërje nga institucionet.
Çeku deklaroi se fillimisht do të themelohet si njësi e veçantë në kuadër të Muzeut Kombëtar të Kosovës.
Ndërkohë, tha se muzeu ka për qëllim dokumentimin dhe prezantimin e krimeve të Serbisë ndaj shqiptarëve në Kosovë.
“Sot përfundimisht i hapim rrugë Muzeut të Gjenocidit dhe Përpjekjes për Liri. Ky vendim vjen si rezultat i punës së një grupi punues me përbërje nga institucionet. Muzeu ka për qëllim dokumentimin dhe prezantimin e krimeve të Serbisë ndaj shqiptarëve në Kosovë. Muzeu fillimisht do të themelohet si njësi e veçantë në kuadër të Muzeut Kombëtar të Kosovës, e pas hyrjes në fuqi të Ligjit për muze si institucion. Nga sot do të nisim hapat e nevojshëm për jetësimin e këtij vendimi. Ne tashmë kemi siguruar buxhetin e nevojshëm”, u shpreh Çeku.
