Ministri i Kulturës, Rinisë dhe Sportit i Kosovës, Hajrullah Çeku, ka njoftuar se Kosova do të jetë shtet nikoqir i Lojërave Mesdhetare më 2030.
Çeku, përmes një postimi në Facebook ka thënë se në këtë rrugëtim transformativ do ta udhëheqim me shumë përkushtim dhe përgjegjësi.
“Përgëzime të gjitha palëve të përfshira në procesin e kandidimit. Së bashku, këtë rrugëtim transformativ do ta udhëheqim me shumë përkushtim dhe përgjegjësi”, ka thënë Çeku përmes një postimi në Facebook.
Vendimi është marrë nga Asambleja e Përgjithshme e Komitetit Ndërkombëtar të Lojërave Mesdhetare (ICMG) në një takim të mbajtur në Heraklion të Greqisë.
Lojërat Mesdhetare organizohen çdo katër vjet dhe për vendet e pellgut të Mesdheut përbëjnë ngjarjen më të rëndësishme shumësportive, pas Lojërave Olimpike. Vitin e kaluar nikoqir i këtij organizimi ka qenë Orani i Algjerisë.
