Ministri në detyrë i MKRS-së, Hajrulla Çeku ka inspektuar të enjten punimet në stadiumin olimpik në Mitrovicë, “Adem Jashari” duke premtuar se ato do të përfundojnë brenda vitit.
“Brenda këtij viti, punët pritet të përfundojnë, duke i dhënë qytetit një stadium të ri, modern dhe njëherësh më të madhin në vend – në shërbim të klubeve, sportistëve dhe tifozëve mitrovicas.
Vazhdojmë pa u ndalur me konsolidimin e infrastrukturës së sportit në gjithë vendin. Po punohet edhe në stadiumet e Shtimes, Gjakovës dhe Kamenicës, ndërsa pritet të nisin punimet edhe në Rahovec, Prizren dhe Suharekë”, ka shkruar Çeku, në Facebook.
