Çdo të hënë, nxënësit e shkollave në Shqipëri do të këndojnë Himnin e Flamurit
Kështu ka njoftuar ministrja e Arsimit dhe Sportit në Shqipëri, Evis Kushi.
Kushi këtë e bëri të ditur në ditën e 555-vjetorit të vdekjes së Heroit Kombëtar, Gjergj Kastrioti Skënderbeu.
“Me Himnin e Flamurit që këndohet nga të gjithë nxënësit e shkollave sot, në ditën e 555-Vjetorit të vdekjes së Heroit tonë Kombëtar, Gjergj Kastrioti SKËNDERBEUT, si edhe me vendimin që kështu do të këndohet himni në çdo shkollë, në krye të çdo jave të re mësimore, ju uroj një ditë të mbarë”, ka shkruar ajo në një postim në Facebook.
Sot shënohet 555-vjetori i vdekjes së Gjergj Kastriot – Skënderbeut. Mbeti në histori si luftëtar, si gjeneral njeri me principe dhe me ideale. U njoh si komandant i të gjitha fiseve Shqiptare dhe arriti të ndalonte për 25 vite me rradhë përhapjen e hordhive turke në Ballkan pa humbur qoftë edhe një betejë.
Gjergj Kastriot Skënderbej mbetet figura legjendare e kombit shqiptar në shekuj, një legjendë, imazhi i vërtetë i një heroi, që gjithmonë ndodhej në vijën e parë të luftës, që kurrë nuk ngurroi të sakrifikonte jetën e tij për idealet e tij, për ato që ai besonte, për atdheun dhe bashkëluftëtarët e tij. /Teve1.info/
