Shefja e politikës së jashtmë të BE-së vizitoi të martën Bosnjën dhe Hercegovinën, si pjesë të një turneu rajonal në të cilin po qëndron.
Ajo atje ka thënë se Bashkimi Evropian nuk do të tolerojë kërcënimet ndaj integritetit territorial, sovranitetit dhe rendit kushtetues të Bosnjë dhe Hercegovinës, raporton Reuters.
“Çdo përpjekje për të shpërbërë vendin është e papranueshme,” tha Kallas gjatë vizitës në kryeqytetin Sarajevë, duke iu referuar lëvizjeve separatiste të udhëheqjes serbe të Bosnjës.
Ajo më parë vizitoi edhe Shqipërinë ku shprehi mbështetje për rrugëtimin e saj për në Bashkimin Evropian, megjithë reformat e vështira të cilat vendit do i duhet t’i ndërmarrë.
Ajo ka komentuar edhe lidhur me dialogun Kosovë-Serbi, ku theksoi se “ajo që është e rëndësishme për Kosovën dhe Serbinë nuk mund të përparojë pa normalizimin e plotë të marrëdhënieve mes këtyre dy vendeve”.
